СОҒЛОМ УЙҚУ ҚОИДАЛАРИ

СОҒЛОМ УЙҚУ ҚОИДАЛАРИ

Инсонга соғлом уйқу хар куни керак. Тинч тўлақонли уйқу тетиклик, яхши кайфият ва жисмоний етуклик гарови хисобланади. Соғлом уйқу деганда нафақат унинг миқдори, балки сифати хам назарда тутилади. Мақоламизда айнан шу уйқуни сифатига таъсир этадиган қоидалар хақида тўхталиб ўтамиз.

Кун тартибига эътибор беринг.
Уйқусизлик хасталигига чалинмаслик учун хар куни хатто дам олиш кунлари хам бир хил вақтда ётишга ва бир вақтда уйғонишга одатланинг. Иложи бўлса соат 22:00 дан кеч ётманг. Иш кунлари эрта уйғонганимиз учун бунга риоя қилиш осон.
Аммо дам олиш кунлари хам организмнинг биологик соати режими бузилмаслиги учун доимги вақтда уйғонишга харакат қилинг.

Рефлекслар хосил қилинг.
Ўз организмингизни уйқуга программалаштиринг. Масалан хар куни ётишдан илгари енгил гимнастика қилинг, бир неча сахифа севимли китобингизни ўқинг, бирор пиёла кефир ичинг. Шу тарзда кетса организм бир икки хафтадаёқ шу харакатлардан кейин бўшашиш ва ухлашга ўрганиб қолади. Уйкудан олдин илиқ ароматли ванна ёки контраст душ қабул қилиш хам танани яхши бўшаштиради ва уйқуга созлайди.

Асосийси сифат.
Уйқу вақти хамма инсонлар учун хар хил хисобланади. Кимдир 5 соатли уйқуда хам ўзини тетик сезса, кимдир 10 соат ухлагандан сўнг ўзини яхши дам олган хисоблайди. Шунинг учун, уйқу вақтига эмас балки сифатига эътибор қаратинг. Уйқуга тўйган бўлсангиз китобда ёзилган деб, ялпайиб ётишнинг хожати йук. Акс холда мажбурий уйқу умумий бўшашиш, енгил бош оғриғи ва апатия (паришонхотирлик) ка сабаб бўлади.    

Овқат ва уйқу бир-бирига дўст эмас.
Кечки оқатни тўйиб ейиш, аччиқ чой, кофе ёки апельсин шарбати ичиш нормал уйқуга халақит беради. Кучли ва айниқса ёғли овқат мия ухлаётган пайтда хам хазм қилиш аъзоларини ишлашига сабаб бўлади. Бу эса уйқу сифатига таъсир этади. Иккинчи томондан оч қоринга ётиш хам нотўғри хисобланади. Уйқудан олдин албатта енгилроқ бирор таом: ёғсиз кефир, сабзавотли салат ёки мевалар ейиш мақсадга мувофиқ бўлади. Тўйиб овқатланишни яхши кўрувчилар учун уйқудан 4 соат олдин овкат тановул қилишни маслахат берамиз.

Ётар жойингизга эътибор беринг.
Агар Сизнинг матрасингиз ўта кичик, ўта баланд, ўта юмшоқ ёки қаттиқ бўлса – бундай жойда ухлаш ноқулай хисобланади. Шунинг учун ўз умуртқа поғонангизга мос келувчи ортопедик матрасларни танлаш талаб қилинади. Қулай ёстиқларни хам эсдан чиқармаслик зарур. Нотуғри ёстиқда ётиш, бўйин умуртқалари ва елка мускулларини зўриқишига ва қон харакатини бузилиб, бош мия гипоксиясига олиб келади. Бу боши оғриб, уйғонишга ва кун давомидаги чарчоқликка сабаб бўлади.

Ечиниб ухланг.
Устки ётоқ кийимингиз қанчалик енгил бўлса, уйқу шунчалик яхши бўлади. Иложи борича пахтали матодан тайёрланган, харакатларингизни чегараламайдиган, тор бўлмаган, комфорт кийим кийиш тавсия этилади.

Деразаларни очиб ухланг.
Ётоқхонангизда албаттта тоза хаво бўлиши керак. Ётиш олдидан ва эрталаб турганингиздан сўнг хар куни ойналарни очиб хонани шамоллатишни унутманг. Уйқу учун нормал харорат 22-25 градус хисобланади.

Дархол ўрнингиздан туринг.
Эрталаб уйқуга тўйиб уйғонсангизу ташқарида хали хам қоронғу бўлса, яна бироз мизғиб олай деб қайта ётиш керак эмас. Негаки бунда бош миянинг хам уйғониши ва фаол харакат қилишга шай туриши кузатилиб, уни кайтадан ухлашга мажбурлаш нотўғри хисобланади

© https://t.me/gepamed_ultra