Ёш ўтгани сайин бўғимлар ишдан чиқа бошлайди. Жисмоний зўриқишлар ва норационал овқатланиш эса бу муаммони янада кучайтиради. Қуйида тилга олинадиган 5 махсулотларни истеъмол рационига қўшиш бўғимларни узоқ вақт соғлом ва эластик бўлишига замин яратади.
1. Желатин (елимшак)
Желатин – оқсил субстанцияси бўлиб, хайвон махсулоти (суяк, тери ва қўшувчи тўқималар) ни қайта ишлаш орқали олинадиган қисман гидролизланган коллаген хисобланади. Европанинг молекуляр биология лабораторияси олимлари фикрича желатин организмда тери, суяк ва қўшувчи тўқималарни эластиклик хусусиятини таъминловчи коллаген тутади. Желатинни желе, цукатлар ва десертлар таркибида ейиш мумкин. 
2. Ер мевалари (ягода)
Бостон университети тиббий маркази олимларининг текшируви натижаларига кўра кунига 10 дона олча еган инсонларда бод (подагра) хуружлари, яъни моддалар алмашинуви натижасида ривожланадиган бўғим касалликари 35% кам учрар экан. Филадельфия институти олимлари хулосаларига қараганда кунига 453 грамм олча шарбатини ичиш остеоартрит белгиларини йўқотиб, бўғимлардаги оғриқларни йўқотиб харакатчанлигини тиклар экан. Ундан ташқари олча яллиғланиш индикатори С-реактив оқсил миқдорини пасайтирар экан.
Ер мевалари (ер тут, малина, маймунжон ва қулупнай) таркибидаги эллаген кислотасининг антиоксидант ва яллиғланишга қарши хусусияти бўлиб, бўғим шамоллашида фойдали таъсири исботланган. 
3. Анор
Анор шарбати остеопорозда суякларни яллиғланишини камайтиради. Анорнинг бу хусусияти ундаги полифенолларнинг яллиғланишга олиб келувчи циткинларни тормозлаши хисобига амалга оширилади. Яна бир илмий текширувда анор экстрактининг каламушларда артрит ривожланишини камайтириши, бемор каламушларда эса ИЛ-6 яллиғланишли цитокинлар даражасини пасайтириши аниқланган.
4. Ёғли балиқ
Тўйинмаган омега-3 ёғ кислоталари таъсирида бўғим тоғайи ва бўғим ичи суюқлиги сифати яхшиланади. Айрим олимларнинг фикрича бўғим оғриқлари ва яллиғлнишида балиқ ёғи тутган қўшимчаларни истеъмол қилиш кўзланган эффектни берар экан. Омега-3 ёғ кислотаси қизил ва қора икрада, скумбрия ва селедкада, лосось, сардина ва форель турли балиқларда кўп.
5. Зайтун мойи
Бўгимлар яллиғланиши тоғайлардаги моддалар алмашинувини бузилиши ва дегенератив ўзгаришлар билан намоён бўлади. Бунда тоғай хужайралари (хондроцитлар) да азот оксиди миқдорини ортиши кузатилади. Илмий текширишлар хулосаларига кўра зайтун мойи таркибидаги олеокантал моддаси айнан азот оксидини нейтраллаб, бўғимлар яллиғланишини камайтиради. Таъсир механизми бўйича олеокантал ибупрофен препарати каби яллиғланишни камайтириб, оғриқни йўқотади. Яна бир тадқиқот натижасига кўра олеокантални витамин Д билан комбинацияда қўллаш остеопорозни олдини олади.
Зайтун мойи билан салатларга ишлов бериш тавсия қилинади. Негаки зайтун мойини 180 градусдан юқори қиздириш унинг фойдали хусусиятларини йўқотади.
