Қўрққанидан йиғлайди.

Туғруқ жараёни хомила хаёти учун кескин ўзгариш даври хисобланади. Бошланишига хомилани тор ва қийшиқ туғруқ йўлларидан хайдаб чиқарилиши кузатилса, кейинча у аввалгидан бутунлай ўзгача - она организмидан совуқроқ мухитга тушади. Туғруқдан сўнг чақалоққа бир қатор янги хиссиётлар – кўриш (ёруғлик), эшитиш (шовқин), тактил ва хид сезгилари рецепторларидан келувчи импульслар таъсир этади. Чақалоқ ўзининг хусусий вазнини сеза бошлайди ва мустақил нафас олишига тўғри келади. Буларнинг барчаси чақалоқда қўрқув хисси ва срессни чақиради. Бола буларнинг барини ўзининг ягона қуроли – йиғи билан намоён этади.

Айнан йиғи орқали бола ота-онаси билан мулоқот қилади. Йиғи орқали ўз эхтиёжлари ва хохишини баён қилади. Қуйида чақалоқнинг йиғисига сабаб бўладиган 5 та асосий сабаб хақида гапирилади.        

1. Қорни очгани! – боланинг йиғисини асосий сабаби. Кўпинча бу йиғи лабларнинг эмишга бўлган харакати ва кўкрак исташи билан кечади. Маслахат: боланинг қорнини у талаб қилган пайтида тўйдириш керак. Чақалоқни қандайдир овқатлантириш графиги ва режимларга ўргатиш фойдасиз ва хатто зарарли хисоланади.

2. Памперсини алмаштиринг! – янги туғилган чақалоқ кунига 20 мартага яқин тагини хўллайди. Шу сабабли хар 2-3 соатда памперсини алмаштирмаса боланинг нозик териси таъсирланиб бичилишига ва инжиқланишига сабаб бўлиши мумкин.

3. Бола ёки совуқ қотади ёки исиб кетади! – терморегуляция чақалоқларда тўла шаклланиб улгурмайди. Шу сабабли у хатто енгил хаво алмашинувларини хам сезади. Маслахат: бола учун комфорт ва тоза хаволи холатни яратинг. Хона харорати 18-20 градус бўлиши керак. Шунингдек, боланинг кийимларини хам табиий пахтали матодан бўлишига эътибор қаратинг. Боланинг териси хам нафас олиши керак.

4. Оғриқ!- чақалоқлар ичак хуружи таъсирида йиғлаганда тутиб-тутиб йиғлайди. Қичқириб оёқларини кўтариб қорнига яқинлаштириб олади. Шунингдек, болалар тиши чиқаётганда хам йиғлайди ва бунда овқат ейишдан бош тортади. Маслахат: боланинг қорнини соат йўналишида енгил массаж қилинг. Қорни дам бўлганда ел келтириш учун найча қўйинг. Тиши чиқаётганда педиатр билан маслахатлашиб, махсус геллардан фойдаланинг.

5. Онасини эркалатишини хохлаганда!  - болалар онасини тафтини, хидини ва юрак уришини соғинганда хам йиғлайди. Бундай пайтда болани кўтариб юриш, тактил контактда бўлиш она сути ва тоза хаво каби зарур хисобланади.

www.gepamed.uz