Ўтган асрда бир қатор мамлакатларда келажакда кўричак касаллиги ривожланмаслиги учун барча болаларнинг чувалчангсимон ўсимтасини мажбурий олиб ташланган. Ўша пайтда бу ўсимта рудиментар аъзо деб хисобланган. Хозирда эса чувалчангсимон ўсимта организмнинг иммун системасида мухим роль ўйнаши исботланган. Унинг йўғон ичак перистальтикаси ва бактериал мухитига фойдали таъсири аниқланган. Турли ичак инфекцияларида ичакнинг табиий микрофлорасига зарар етган пайтда соғлом бактерияларнинг чувалчангсимон ўсимтада панох топиши ва кейинча шу ердан бутун ичак бўйлаб тикланиши исботланган. Шунингдек, аппендиксда овқат хазм қилиши учун мухим роль ўйновчи соғлом ичак таёқчаларини шаклланиши ва кўпайиши кузатилади. 
