Бош мия доимо олимларда катта қизиқиш уйғотиб келган. Хозирга келиб у хар томонлама ўрганилган деб хисобланишига қарамай, бир талай топишмоқлар мавжуд. Бош мияни тузилишини ва физиологиясини ўрганиш билан шуғулланаётган австралиялик олимлар фикрича миядаги метаболик жараёнлар организмнинг кексайиши билан бузилади. Бунинг сабабини улар металлардан деб билади, яъни мия занглаши мумкин экан. Бу тўғри маънода айтилган сўз бўлиб, Мельбурнлик олимлар фикрича миянинг нормал фаолияти ундаги юқори концентрациядаги металлар хисобига аамалга ошади. Жумладан улар қаторига темир ва рух киради.

Тахминан олтмиш ёшларга келиб одам организми бир қатор метаболик ўзгаришларни бошиан кечириб, улар ички жараёнларга хам таъсир этади. Мияда тўпланаётган темир моддаси метаболик бузилишлар натижасида оксидланиши ва нейронлар тармоғи фаолиятини бузилишига сабаб бўлиши мумкин экан. Натижада қариялар ақли заифлиги ва Альцгеймер касаллиги ривожланиши кузатилади.

Агар қандайдир усуллар ёрдамида ушбу метаболик жараённи кечишига таъсир этиш мумкин бўлса, қарилик даврида инсон организми дуч келиши мумкин бўлган айрим муаммоларни олдини олиш ёки хеч бўлмаса орқага суриш имкони яратилар экан. Хозирда австралиялик олимлар бош миянинг айнан метаболик жараёнларини яхшилашга қаратилган дори препаратларини ишлаб чиқариш устида бош қотирмоқдалар.


© https://t.me/gepamed_ultra