КОНТАКТ ЛИНЗАЛАРДА УХЛАШ ХАВФЛИМИ?

КОНТАКТ ЛИНЗАЛАРДА УХЛАШ ХАВФЛИМИ?

Контакт линзаларни тақадиган ҳар бир киши уларда ухлаш умуман мумкин эмаслигини эшитган. Аммо баъзида линзаларни олиб қўйиш учун шунчаки куч йўқ қолмайди. Ёки сиз тунни дўстларингиз билан ўтказяпсиз, ва ёнингизда линзалар учун идиш ва суюқлик йўқ.
Шох парда кислородни фақат бевосита ҳаводан олади. Контакт линзаларни таққанингизда эса унга борадиган кислород миқдори камаяди, кўзингизни юмганда кислород янада камаяди. Лос-Анжелесдаги Assil Eye институти шифокори ва офтальмологи Кэрри Ассиль (Kerry Assil) нинг таъкидлашича, инсон линзалар билан ухлаётганда кислород миқдори критик даражагача камайиши мумкин.

Кислород етишмаслиги натижасида шох парданинг шиши кузатилади ва бу кейинча эрозияга олиб келиши мумкин. Америкалик офтальмология академиясининг доктори Томас Штайнеманн (Thomas Steinemann) нинг сўзларига кўра, эрозия бактерияларнинг кириб келиш хавфини деярли 7 бараварга оширади. Кўзнинг тананинг бошқа аъзолари каби иммунитети бўлмаганлиги сабабли, унда инфекция жуда тез ривожланади.
Колумбия Университети профессори офтальмолог Жеймс Ауран фикрича контакт линзаларни ноўрин қўлланганда, линзалар инсон кўзида бактерияларни бемалол ривожланиши учун қулай шароит яратиладиган Петри идишлари ролини ўйнайди.

Контакт линзаларда 15 дақиқа мизғиб олишнинг зарари йўқми?
Доктор Ассил линзаларда 15 минут давомида ухлашга уринишни русча рулеткасига ёки миналар майдонида сайр қилишга таққослайди. Айтиб ўтилганидек контакт линзаларда ухлаганда мугуз парда шиши ривожланиб, бу сизнинг кўзларингиз очилгунга қадар давом этади. Линзаларингиз билан қанча узоқ ухласангиз, хавф шунчалик катта бўлади.
Контакт линзаларда ухлаш асорати кейинчалик хам сезилиши мумкин. Инсон кўзи йилига тахминан 3 000 000 мартагача  юмилиб очилади ва хар юмилганда кўз пардалари артилади. Кўз шиллиқ пардалари дағаллашиб, етарлича мойланмайди. Бу холатга линзаларда ухлаганда кузатиладиган яллиғланиш қўшилганда - муаммони янада кучайганини кўриш мумкин. Ва агар сиз кўз қуруқшашига ва аллергик реакцияларга мойил бўлсангиз, у ҳолда линзаларда ухлаш натижасида уларни кўтара олмаслик ва кейинчалик линзаларни тақиб юра ололмасликка мажбур бўласиз.

Хулоса
Шундай экан, хар куни ухлашдан олдин линзаларни олиб қўйиш учун 30 сония вақт ажратинг ёки кун давомида тақиб юришга мослашган силикон гидрогел линзаларини сотиб олинг. Агар сиз бирон бир сабабга кўра линзаларда ухлаб қолишингизга тўғри келган бўлса (самолётда узоқ парвоз вақтида, ўз уйингиздан узоқда бир кеча тунаб қолиш каби), ухлашдан олдин кўзларингизга намлантирувчи томчи дориларни томизиб олинг. Ухлаб тургандан сўнг хам албатта кўп миқдорда бу суюқликдан томизинг. Намловчи суюқликни томизмасдан туриб, линзаларни ечишга уринманг. Негаки уйқу пайтида шундоқ хам зарар етиши мумкин бўлган кўзнинг тўр пардасини шикастлаб олишингиз мумкин.




www.gepamed.uz