БАВОСИЛ БОСҚИЧЛАРИ ВА ДАВОЛАШ УСУЛЛАРИ.

БАВОСИЛ БОСҚИЧЛАРИ ВА ДАВОЛАШ УСУЛЛАРИ.

Бавосил босқичлари.
•    1-босқичда: орқа пешобдан қон кетиши кузатилади, аммо геморроидал тугунлар тушиб қолмаган бўлади;
        o    Шикоятлар: дискомфорт, қон кетиш.
•    2- босқичда: геморроидал тугунлар тушиб қолади, аммо ўз-ўзидан жойига тўғриланиши мумкин;
        o    Шикоятлар: қон кетиш, тугунларни тушиши, қичишиш, шилимшиқ ажралмалар.
•    3- босқичда: геморроидал тугунлар тушиб қолади, аммо жойига қўл билан тўғриланади;
        o    Шикоятлар: қон кетиш, тугунларни тушиши, қичишиш, шилимшиқ ажралмалар.
•    4- босқичда: геморроидал тугунлар ва тўғри ичакнинг шиллиқ қаватини тушиб қолиши кузатилади, анал каналга қўл ёрдамида хам тўғриланмайди.
      o    Шикоятлар: дискомфорт, қон кетиш, тугунларни тушиши, қичишиш, оғриқ, анал сфинктер етишмовчилиги.


Бавосилни бу каби босқичларда ажратилишда даво тактикасини белгилаш учун фойдаланади. Хозирда тиббиётда бавосилни даволашни хам амбулатор, хам стационар шароитларда қўлланиладиган кам инвазив турлари мавжуд. Уларга: инфрақизил фотокоагуляция, склеротерапия, геморраидал тугунларни латексли халқалар билан бойлаш, ультратовушли допплерометрия назоратида геморроидал қон томирларни бойлаш киради.

Кечки босқичларда – геморройэктомия бажарилади, яъни геморроидал тугунларни асоси хисобланган 3 та каверноз таначалар коллектори радикал усулда олиб ташланади.

Бавосилни даволаш принциплари:
1 босқичда:  консерватив терапия, инфрақизил фотокоагуляция, склеротерапия.
2 босқичда:  консерватив терапия, инфрақизил фотокоагуляция, склеротерапия, геморроидал тугунларни латексли халқалар билан бойлаш, комбинацион усуллар.
3 босқичда:  геморроидал тугунларни латексли халқалар билан бойлаш, туғри ичак шиллиқ қаватини Лонго усулида трансанал резекцияси, комбинацион усуллар, хирургик даво (геморроидэктомия).
4 босқичда:  хирургик даво (геморроидэктомия).

Кўпчилик инсонлар дори воситаларининг хозирги турли-туманлиги ёрдамида фақат медикаментоз усул билан геморроидал тугунларни даволаш мумкин деб хисоблайди. Тўғри малхамлар, шамчалар ва таблеткалар ёрдамида бавосилнинг айрим белгиларини йўқотиш ёки камайтириш мумкин. Аммо «катта стажли» беморлар буларнинг барини вақтинчалик ва кейинги қўзиш давригача эканини яхши билади.


Бавосилни медикаментоз даволаш
Касалликнинг бошланғич стадияларида овқатланиш рационини тўғри ташкил қилиш, гигиена ва табобат воситалари яхши ёрдам беради. Консерватив даводан мақсад оғриқ синдромини йўқотиш, яллиғланишни даволаш ва қон кетишни тўхтатишдан иборат.

1. Яллиғланишни даволаш учун қўлланадиган препаратлар:
•    Ностероид яллиғланишга қарши дорилар;
•    Кортикостероидлар;
•    Гепарин ва флеботониклар (детралекс, эскузан ва бошқалар).
2. Оғриқ синдроми учун препаратлар:
•    Аналгин, баралгин, парацетамол;
3. Қоннинг реологик хусусиятини яхшилаш учун препаратлар:
•    Трентал, ацетилсалицил кислота.
4. Ич қотишини йўқотиш учун:
•    Махсус пархез (клетчаткага бой овқатлар, кўп миқдорда суюқлик ичиш);
•    Сано дамламаси.
5. Махаллий препаратлар (ректал шамчалар, малхамлар, гель):
•    Релиф, проктокол, анузол, проктоседил, капсикам
6. Қон кетишини тўхтатиш учун препаратлар:
•    Коллаген шемостатик губкалар;
•    Адреналинли ва тромбинли шамчалар (троксевазин, гепарин малхами, гинкор-прокто);



© Www.gepamed.uz