Плацебо эффекти – беморларни аслида даволовчи эффекти бўлмаган ёлғон дори воситалари билан ишонтириб даволаш ва беморларнинг ўзларида тузалишга нисбатан бўлган хохиши орқали соғломлаштириш феномени хисобланади. (лотинча placebo – фойда бермоқ» сўзидан олинган). Бу эффект бир қатор психик касалликларда, оғриқ синдромида, бронхиал астмада, Паркинсон хасталигида, юракнинг ишемик касаллиги ва хафақонликда яққол кўринади
Плацебо эффекти ёлғон таблеткаларнинг бир қатор характеристикаларига боғлиқ бўлади. Жумладан, иккиланган дозаларни ичиш, хидли ва аччиқ таблеткалар ичиш, қатъий схема асосида ичиш, бирмунча қиммат дориларни ичиш беморларга оддий препаратларга нисбатан кучли таъсир этади. Шунингдек, турли касалликлар учун турли рангдаги, масалан, депрессияда - сариқ рангли, ошқозон яра хасталигида – оқ рангли, юрак хасталикларида – қизғиш рангли таблеткалар буюрилади.   

© www.gepamed.uz