Вампирлар – инсоният тарихи ва фольклорининг қора доғларидан бири хисобланди. Уларнинг мавжуд бўлган ёки бўлмаганлиги биз учун қоронғу. Нима бўлишидан қатъий назар, вампирларнинг тарихи узоқ-узоқ даврларга тақалади.

Охирги илмий маълумотларга қараганда хозирда биз китоблардан ўқиган ва фильмларда кўраётган вампирлар мавжуд эмас. Балки уларга ташқи жихатидан одамлар бўлиши мумкин. Бу мавзуда шулар хақида ёритилади.

Медиклар фикрича илгари вампиризмда нохақ айбланган одамлар аслида, «порфирия» деб номланган генетик касаллик билан оғриган  (грекча «porphyros» – «қирмизи»). Бу касалликнинг тарқалишига яқин қариндошлар ўртасидаги никохлар сабаб бўлган деб тахмин қилинади. Порфирия касаллиги айниқса граф Дракуланинг ватани хисобланган Трансильваниянинг майда қишлоқларида бундан 1000 йил илгари кўп тарқалган.

Порфирия касаллигининг оғир шакли билан касалланган беморлар ташқи жихатидан вампирлар билан бир хил кўринишга эга.
Порфирия – бу кам учрайдиган ирсий касаллик хисобланади, 200 000 та одамдан биттасида учраши мумкин. 25% холларда у бирор бир ота-онасидан болаларига узатилиши мумкин.

Бу касалликда одам организмида порфиринлар алмашинуви бузилади, яъни қоннинг гемоглобини таркибига кирувчи табиий пигментлар метаболизми бузилади. Куёш нури таъсирида уларнинг тери остида тўпланиши ва тўқималарни емирилишига сабаб бўлувчи захарли атомар кислород ажратиши кузатилади. Натижада беморларда бурун ва қулоқ тоғай ва пайлари деформацияси, турли хил пўрсилдоқ тошмалар пайдо бўлади. Терини қуриши ва юз қиёфасини танимайдиган даражада ўзгаришини кўриш мумкин. Бу холатда беморларда қуёш нурига нисбатан ўзига хос «аллергия» пайдо бўлиб, унинг нуридан қочади ва кўчага фақат кечаси чиқади.
 
Тарихдан маълумки бундай беморларнинг айримлари инсон қонини дори сифатида ичишган (шайтоний мақсадда эмас). Шу орқали улар йўқотилган гемоглобиннни тулдиришган ва бу уларнинг холатини бирмунча яхшилаган.

Хозирги замон тиббиётида бундай беморлар стационарда қон ва унинг ўрнини босувчи препаратларни қуйиш орқали даволанмоқда. Олимларнинг таъкидлашича, яқин келажакда ген инженериясининг ютуқлари орқали порфирия каби касалликнинг ечими ва давоси топилади.


© https://t.me/gepamed_ultra