Гипервитаминоз – бу одам организмида витаминлар миқдорининг кўпайиб кетиши хисобланиб, уларнинг орган ёки тўқималарда тўпланиши ва токсик таъсир кўрсатиши билан намоён бўлади.
Масалан:
1. С витамини дозасини ортиб кетиши юрак фаолитиятини издан чиқиши, хомиладор аёлларда боланинг турли патлогиялари ва хатто бола тушишига сабаб бўлиши мумкин.
2. А витамини гипердозалари бутунлай кўрлик ёки онкологик касалликларни ривожланишига сабаб бўлади.
3. Витамин Е дозаси юқорилиги бехосдан қон кетишлар ёки қон томирларда тромблар хосил бўлишига олиб келади.
4. Айрим витаминлар жигар касалликларини келтириб чиқарса, С ва Е витамини ортиқча дозалари хужайраларнинг мутациясига сабаб бўлади.
Хар қандай витаминнинг дозасини ортиб кетиши ножўя эффектларга олиб келади. Бу эффектлар бир неча витаминларнинг ўзаро тўқнаш келиши натижасида кучайиши мумкин.
Ўзаро мос келмаслигига кўра 4 хил витаминлар қаршилиги аниқланган: Булар Витамин С билан витамин B6, Витамин Е билан витамин К. Организмда витамин С ни кўпайиб кетиши витамин В6 ни ўзлаштирилишини секинлатса, Витамин Е ни ортиб кетиши – К витаминини фойдали таъсирини – зарарлига айлантиради. Витаминларнинг қондаги концентрацияси нормага келтирилса бундай антиэффектлар кузатилмайди. Шу сабабли витаминларни назоратсиз қабул қилиш тавсия этилмайди ва кўпинча комплекс холда буюрилади.
A, E ва C витаминлари – бу витаминларнинг алохида гурухи хисобланиб, уларнинг асосий вазифаси эркин радикалларни топиш ва зарарсизлантириш хисобланади. Эркин радикаллар эса организмда тамаки чекиш пайтида, ультрабинафша нурлар таъсирида хосил бўлади ёки сифатсиз овқатлар билан бирга тушади.
Никотин, алкоголь, кофеин – бу учлик антивитаминларнинг оғир артиллерияси гурухига киради. Хеч қайси витаминнинг уларга қаршилик қилишга кучи етмайди. Улар витаминларни тез парчалаш хусусиятига эга. Масалан: Лимонли чойда витамин С бўлмайди – у кофеин таъсирида ўлади. Бир дона чекилган сигарет - витамин С нинг кунлик нормасини парчалаб ташлайди. Никотин таъсирида А, В ва Е витаминлари – антивитаминларга айланади.
Эсингизда бўлсин, витаминлар доимо муаммоларни бирга хал қилишади. Аптекалардан конкрет бир витамин турини сотиб олишдан фойда йўқ. У ўзи хеч нимани хал қилмайди. Иложи борича витамин комплексларини олиш тавсия этилади. Ана шундагина улар бирлашиб организмда керакли соғайишга йўналтирилган революцияни амалга оширишади.
© www.gepamed.uz
