ҚУТУРИШ КАСАЛЛИГИ

ҚУТУРИШ КАСАЛЛИГИ

Қутуриш – бу зарарланган хайвон ёки одамдан сўлак безлари орқали юқадиган вирусли касаллик хисобланади. Ривожланган давлатларда у кам учрайди Аммо Африкада халигача бутун бошли эпидемияларни учратиш мумкин.

Вирус организмга тушганида мияни зарарлаб, энцефалит, яъни оғир қайтмас жараёнларни келтириб чиқаради. Касаллик манбаси – зарарланган хайвон хисобланади. Кутуришнинг шахар ва табиий турлари фарқланиб, ёввойи табиатда қутуриш тулкилар, бўрилар, кўршапалаклардан, шахар хаётида эса ит ва мушуклардан юқади.

Кутуриш – даволаниш мумкин бўлмаган касаллик хисобланиб, касаллик белгилари пайдо бўлгандан кейин хаётини сақлаб қолишнинг иложиси йўқ. Шунинг учун хайвонлар томонидан тишлаш содир бўлганида зудлик билан врачга учраш талаб этилади. Тезда вакцинация қилиш вирусни нейтраллаб, касалликни ривожланишини олдини олади.
                                                                                                                                                                                                                                                              
Акс холда эса ўнинчи кундан бошлаб 1,5-2 ойгача касаллик белгилари ривожланиб, шамоллашга ўхшаган холат: енгил иситма, ўйқунм бузилиши, тинчсизланиш пайдо бўлади. Тишланган жойи битиб кетмаган бўлса оғриқ синдроми хам кузатилиши мумкин. Бу холат уч кунгача давом этиб, кейинча касаллик қўзиган даврга ўтади. Беморларда сувдан қўрқиш хисси, сувни кўрганда халкум мускулларини талвасасимон қисқариши кузатилади. 1-4 кун ўтгач эса нафас тизими ва оёқ-қўллар параличи натижасида ўлим холатлари юз беради.

                                                                             
   © https://t.me/gepamed_ultra