АСПИРИН барча аптечкаларда мавжуд бўлган дори воситаси бўлиб, у нафақат иситма ва оғриққа қарши қўлланилади, балки бир қатор хаётий мухим вазиятларда хам фойда бериши мумкин. Қуйида шулар хакида тўхталиб ўтамиз.
1. Ўсимликларни химоя қилади.
Гулдастани вазага солаётиб сувига ярим таблетка аспирин қўшиб қўйсангиз умри икки баробар узаяди. Аспирин гулчиликда хам қўлланиб, битта таблеткани бир литр сувда эритиб, замбуруғ билан зарарланган тупроққа қуйилганда касаллик йўқолиб, ўсимлик соғаяди.
2. Доғларни кетказади.
Тери хидини кетказиш учун, кирланган кийимни 100 миллитр сувда икки таблетка аспиринни эритиб, 3 соат давомида уютиб қўйинг, сўнг доғни порошок билан ювиб ташланг.
3. Гипсокартонни ямайди.
Аспиринни майдалаб кукун холига келтириб, сув билан аралаштирилган қоришмасини гипсокартондаги майда дефектлар ва ёриқларни ямаш мумкин.
4. Хашарот чаққанда тез ёрдам.
Ари ёки бошқа бирор бир хашарот чақиб олганда шу жойга сувда хўлланган аспирин таблеткасини суртинг. Қичишиш ва оғриқ йўқолиб, яллиғланишни олди олинади.
5. Тузли карашларни тозалайди.
Шишасига зарар етказмасдан вазалардаги сариқ доғларни кетказиш учун унда пишиллайдиган аспирин таблеткасини эритиб кейин ювиб ташланг. Шу усулда унитаздаги доғларни кетказиш мумкин. Унитаз ичига пишиллайдиган аспирин таблеткасини ташланг ва бироздан сўнг сувни очиб юборинг.
6. Сочлар рангини сақлайди.
Бассейнларида чўмилиш пайтида хлор ва бошқа реагентлар сочларга зарар етказади. Бу айниқса бўялган ёрқин рангли сочларда яққол билиниб, улар яшил тусга киради. Бундан қутулиш учун 6-8 та аспирин таблеткасини илиқ сувда эритиб, хосил бўлган эритма сочларга суртилади, 15 минут кутиб туриб сўнгра шампунь билан ювилади.
7. Кайзғоқдан халос этади.
Ишлатаётган шампунингизга майдаланган аспирин кукунини қўшиб, сўнг сочни шампунлаб икки-уч минут кутиб туринг. Кейин сочни фақат шампун билан ювиб ташланг.
8. Хуснбузарлардан халос этади.
Аспирин тери яллиғланишларида яхши ёрдам беради ва бехосдан пайдо бўлган хуснбузарни сезилмас даражага келтириб, тез тузатади. Бунинг учун аспиринни майдалаб кукунини оз микдордаги сув билан қориштириб паста холига келтирилади. Бу паста терининг зарарланган қисмида бир неча минутга қолдирилади.
9. Қадоқларни тузатади.
Аспирин товон терисининг мугузланган (ёрилган) қисмини йўқотиш учун хам қўлланилади. Бунинг учун 5-6 таблетка аспиринни майдалаб, ярим чой қошиқда лимон шарбати ёки бироз сув билан аралаштирилади. Хосил бўлган бўтқа товон сохасига суртилиб, полиэтилен қогоз билан ўралиб, «ниқоб» холида қолдирилади. 5-10 дақиқадан сўнг товоннинг ёрилган териси осонлик билан олиб ташланади.
10. Ёғли терини йўқотади.
Териси қуруқ инсонларга аспириндан косметик мақсадда фойдаланиш тавсия этилмайди. Аммо териси ёғли инсонлар учун у хақиқий химоя вазифасини ўтайди. Аспирин асосида тайёрланган «ниқоб» пилинглар тери тешикчаларини торайтириб, терини оқартиради ва майда ажинларни текислайди. Бунинг учун 1-2 таблетка аспиринни майдалаб кукун холатига келтириб, бир ош қошиқ сметана ёки бир чой қошиқ асал билан аралаштирилади. Қоришма тозалаб ювилган юзга суртилиб 5-10 дақикага «ниқоб» холида қолдирилади. Сўнг у ювилиб, юз териси 1-2 дақиқа секинлик билан силаб уқаланади. Кейин терига крем суртилади. Бу муолажа хафтада икки марта бажарилади.
Эхтиёт бўлинг.
Аспирин – бу дори воситаси ва уни эхтиёткорлик билан қўллаш лозим. Масалан аспиринга аллергияси бор астматик инсонларга юқоридаги маслахатларга амал қилиш тавси этилмайди.
© www.gepamed.uz
