ХАЙЗ ЦИКЛИНИ БУЗИЛИШИ

ХАЙЗ ЦИКЛИНИ БУЗИЛИШИ

Хайз циклини бузилиши – бу хайз циклининг меёрдан оғиши билан кечувчи хар қандай ўзгариши хисобланади. Нормал хайз циклининг асосий характеристикаси қуйидагича: хайзлар орасидаги давр – 21-30 кун; хайз давомийлиги 3-7 кун; хайз пайтида ажраладиган қон хажми 50-150 мл; қонли ажралмалар, оч кизил рангдан қунғир қизил ранггача қон қуйқасисиз. Нормал хайз цикли минимал, қовуқ сохасидаги енгил оғриқ ва дискомфорт холати билан кечади.

Хайз циклини бузилганлиги белгилари:
•    Хайз циклининг номунтазамлиги (хайз «келишидаги» кунларнинг хар хиллиги).
•    6 ойдан ортиқ хайзнинг бўлмаслиги.
•    Навбатдаги хайзнинг бир неча кундан бир неча ойларгача сурилиши.
•    Кўп хайз куриш (150 мл дан ортиқ), лахта-лахта (қуйқали) ва оғриқли.
•    Кам хайз кўриш, 3 кунгача суркалиб келиши.
•    Ковуқ сохасидаги хайзгача ва хайз пайтидаги даврда оғриқлар.
•    Кайфиятни сезиларли ўзгариши (предменструал синдром).

Хайз циклини бузилиши формалари:
•    Аменорея – олти ойгача хайз келмаслиги;
•    Гипоменорея – хайзнинг 35 кунда бир мартадан кам келиши;
•    Олигоменорея – хайзнинг 2 кундан кам келиши;
•    Полименорея – хайзнинг 21 кундан олдин келиши;
•    Дисменорея – хайздан олдин ва хайз вақтида умумий дармонсизлик белгилари (бош оғриши, кўнгил айниши, бош айланиши, кайфиятни бузилиши) ни пайдо бўлиши;
•    Альгоменорея – бел ва қорин пасти сохасида хайздан олдин ва хайз пайтида кучли оғриқларни пайдо бўлиши;
•    Альгодисменорея - бел ва қорин пасти сохасида хайздан олдин ва хайз пайтида кучли оғриқлар, кўнгил айниши, бош оғриши ва айланишини кузатилиши;
•    Метрорагия – хайзлар орасида бачадондан номунтазам қонли ажралмаларни келиши;
•    Меноррагия (гиперменорея) – мунтазам оралиқларда (21-35 кун) узоқ (7 кундан ортиқ) ва ортиқча кўп (80 мл дан ортиқ) хайз кўриш.

ХАЙЗ ЦИКЛИНИ БУЗИЛИШИ САБАБЛАРИ.

1.    Хомиладорлик;
2.    Тухумдон касаликлари: дисфункция, ановуляция, поликистоз;
3.    Буйрак усти бези касалликлари: Кушинг синдроми;
4.    Буқоқ бези касалликлари: гипотиреоз, гипертиреоз;
5.    Гипофиз касалликлари: гипогонадизм, гиперпролактинемия, акромегалия;
6.    Органик касалликлар: эндометриоз, бачадон миомаси, бачадон шиллиқ қаватини хаддан зиёд ўсиб кетиши, бачадон полиплари, бачадон раки, тухумдонлар раки, тухумдон кисталари;
7.    Яллиғланишлар: сальпингоофарит, эндометрит, жигар циррози, гепатит, гепатоз, тонзиллит, отит, менингит, энцефалит;
8.    Камқонлик ва бошқа  қон касалликлари;
9.    Семириш.
10.    Ятроген сабаблар: гормонал препаратлар ичиш ёки инъекциясини олиш;
11.    Даволаш профилактик муолажалар: спирал қўйиш, аборт ва ундан кейинги бачадонни тозалаш;
12.    Бошқа сабаблар: озиш, стресс, депрессия, невроз, иқлим ўзгаришлари, жисмоний зўриқишлар.

Хайз цикли бузилишларини даволаш.

Консерватив даволаш:
•    Хайзни бузилишига сабаб бўлган асосий касалликни даволаш.
•    Хайз циклини гормонал препаратлар ёрдамида тўғрилаш: эстроген, прогестерон.
•    Умумий қувватга киритувчи терапия: витамин комплекслари, диеты.
•    Жисмоний зўриқишни камайтириш.
•    Камқонликни даволаш.

Хирургик даволаш
•    Консерватив даволаш ёрдам бермаганда, кўплаб қон кетишларда ва 35 ёшдан ортган аёлларда бачадон шиллиқ қаватини тозалаш.

© www.gepamed.uz