Айрим беморларда коронавирус жиддий асоратларни келтириб чиқаради, бошқаларида эса сезилмасдан симптомларсиз ўтади.
Бир қатор янги тадқиқотлар шуни кўрсатдики, қон гуруҳи COVID-19 касаллигига чалиниш ва жиддий аломатларнинг пайдо бўлиш хавфига таъсир қилиши мумкин. Фақат шу чоршанба куни Америка Гематология Жамияти томонидан нашр этилган Blood Advances журналида ушбу мавзу бўйича иккита қизиқарли нашр пайдо бўлди.
Биринчисида Дания тадқиқотчилари 473654 та коронавирус тестлари бўйича маълумотларни таҳлил қилдилар, улардан 7422 таси ижобий бўлди. Улар синовдан ўтган одамларнинг қон гуруҳига эътибор қаратдилар (бу маълумот барча текширилганларнинг 62 фоизида мавжуд эди). Тадқиқотда шундай дейилган: «1 қон гуруҳи SARS-CoV-2 га сезувчанликнинг пасайиши билан боғлиқ» Оддий қилиб айтганда, биринчи қон гуруҳи бўлган одамлар COVID-19 қўзғатувчисига нисбатан кам заифлик кўрсатдилар.
Аммо бу 1-қон гуруҳга эга одамлар умуман вирус юқтирмайди дегани эмас. Висконсин штатидаги Тиббиёт коллежи бўлими бошлиғи ва Америка Гематология Жамиятининг собиқ раҳбари Доктор Рой Сильверштейннинг NBC нашрига қуйидагича изоҳ берди: “Тадқиқотлар шуни кўрсатадики, 1 қон гуруҳи бўлган одамларда COVID-19 билан касалланиш хавфи паст, аммо гап оз миқдордаги устунлик хақида кетяпти».
Юқорида айтиб ўтилган тадқиқотда қатнашмаган Рой Сильверштейннинг таъкидлашича, ушбу маълумотлар шифохоналарда турли хил қон гуруҳлари бўлган одамларни даволаш ва ташхислаш усулларига таъсир қилмайди: бунинг фарқи унчалик катта эмас.
Канададан олиб борилган иккинчи ва ундан кичикроқ тадқиқот аломатлари оғир кечган COVID-19 билан оғриган 95 та беморларининг маълумотларини таҳлил қилади (улар касалхонага ётқизишни талаб қилишган). Ва бу ерда хам беморларнинг аҳволи ва уларнинг қон гуруҳи ўртасида боғлиқлик аниқланди.
2 ва 4 қон гуруҳлари билан касалланган беморларнинг кўпчилигига кислород терапияси ва реанимация бўлимида кўпроқ вақт ўтказишни (1 ва 3 қон гуруҳларига эга беморларга қараганда) талаб қилди". Шунингдек бундай беморларга буйрак диализи хам талаб қилинган.
Россия Федерацияси Федерал тиббий-биологик агентлиги раҳбари Вероника Скворцова бошчилигидаги тадқиқот гурухининг фикрича корановирус билан кўпинча иккинчи қон гуруҳи бўлган одамлар касалланишини айтган. Иккинчи ўринда биринчи ва учинчи қон гурухлари тутувчи беморлар. Тўртинчи қон гуруҳига эга одамлар вирусни энг кам юқтиришади, деб таъкидлайди Скворцова.
Унинг сўзларига кўра, бу қон гуруҳларининг тарқалиш статистикаси билан боғлиқ бўлиши мумкин. Скворцова таъкидлаганидек, иккинчи қон гуруҳи аҳоли орасида энг кўп учрайди.
Коронавирусга чалинган беморларда иккинчи қон гуруҳи энг кўп тарқалганлиги, шунингдек, Федерация Кенгаши аъзоси ва Россияда хизмат кўрсатган шифокор Владимир Кругли томонидан айтилган. Бунда у Хитойдаги тадқиқот маълумотларига мурожаат қилди, бу эрда унинг сўзларига кўра бундай ҳолатларнинг улуши 30 фоизни ташкил этган.
Айтиб ўтилган маълумотлар ҳозирги пандемияда «хавф гуруҳи» тушунчасини ўзгартириши мумкин. Ҳозиргача унинг таркибига кекса ёшдаги инсонлар, хафақон касаллиги ва кандли диабет каби ва ўпканинг сурункали касалликлари бор беморлар, чекувчилар ва бошқалар киради. Энди бу ёндашувни маълум вақт ўтгач қайта кўриб чиқиш керак бўлиши мумкин.
www.gepamed.uz
