Замонавий илмий тадқиқотларга қараганда келишган қад-қоматни истаган ва озишни мўлжаллаган инсонлар ўзлари истеъмол қилаётган махсулотларига қуйида айтилиб ўтадиган зираворларни тез-тез қўшиб туриш тавсия этилади.  

Занжабил (имбирь)
Имбирь организмда термогенезни кучайтиради, жунжикишда иситади, моддалар алмашинуви жараёнларини нормаллаштиради. Бу зиравор ичакларда газ хосил бўлишини нейтраллайди, кўнгил айниши хуружларида ёрдам беради. Уни шўрва ва салатларга қўшиш мумкин ёки маринадланган холда истеъмол қилинади.

Кардамон
Хазм системаси фаолиятини кучайтириб, вазн ташлаш жараёнини тезлатади. Шунингдек шамоллашни енгиб, асабларни тинчлантиради. Таркибидаги эфир молари эса мия фаолиятини яхшилайди. Айниқса қора кардамон метаболик бузилишларни даволашда қўлланаи.

Куркума
Кўплаб илмий текширишлар натижасига қараганда ушбу зиравор таркибидаги куркумин семизлик, диабет, юрак-қон томир касалликлари, ўпка ва аутоиммун хасталикларга қарши ёрдам беради. Айникса спорт билан шуғуланаётган одамлар учун қўл келиб, организмдаги ёғ тўқимасини йўқотади, турли шишлардан халос этади, кучли яллиғланишга қарши эффекти бор.

Долчин (корица)
Долчин хушбўй кофе ва ширинликсевар инсонларга таниш бўлиб, у хар қандай десерт таъмини яхшилайди, қондаги қанд миқдорини камайтириб, ширинликка бўлган талабни камайтиради Бу зираворни атала, сут ва гўшт махсулотлари, мевалар билан бирга ейиш мумкин. Пишириқлар таркибида истеъмол қилинган бошқа барча холатларда долчин оздириш хусусиятига эга.

Қизил мурч.
Қизил чили қалампири – уни қандай аталишидан қатъий назар фойдали хусусиятлари камаймайди. Таркибидаги капсаицин моддаси хисобига оғиз бўшлиғида «ёнғин» бошланади. Айнан шу ёнғин озиш учун керак бўлиб, тана харорати ортади, моддалар алмашинуви тезлашади, ортиқча калорияларни ёниши кучаяди. Аммо бу зиравор аччиқни хуш кўрмайдиганлар ва ошкозон-ичак йўлларида муаммоси бор инсонларга тавсия этилмайди.     

© www.gepamed.uz