ТОРЧ ИНФЕКЦИЯСИ НИМА ВА УНИНГ ДИАГНОСТИКАСИ ХАҚИДА НИМАЛАРНИ БИЛИШ КЕРАК.

ТОРЧ ИНФЕКЦИЯСИ НИМА ВА УНИНГ ДИАГНОСТИКАСИ ХАҚИДА НИМАЛАРНИ БИЛИШ КЕРАК.

T.o.R.C.H. аббревиатураси хомила ва хомиладор аёллар учун энг хавфли бўлган инфекциялар номларининг бош харфларидан олинган йиғинди хисобланади.
T.о.R.C.H. - инглизча «аланга» сўзидан олинган. Toxoplasma (токсоплазма инфекцияси), Rubella (қизилча касаллиги инфекцияси), Cytomegalovirus (цитомегаловирус), Herpes (герпес), О – others (бошқа инфекциялар - В19 ли парвовирус инфекцияси, листериоз, вирусли гепатитнинг  В ва С  турлари, Зика вируси.


ТОКСОПЛАЗМОЗ касаллиги асосан мушуклардан шахсий гигиена қоидаларига амал қилмаслик натижасида, ёки чала пиширилган гўшт махсулотларидан юқиб, хеч қандай белгиларсиз кечади. Хомиладор аёлларда хомиланинг эрта мухлатларида ўз-ўзидан тушиб кетишига сабаб бўлади.

ҚИЗИЛЧА хаво-томчи йўли орқали юқиб, боланинг хомиладор она қорнидаёқ, ривожланишдан тўхтаб нобуд бўлишига сабаб бўлади.

ЦИТОМЕГАЛОВИРУС – кўкрак сути ва қон орқали, шунингдек, жинсий йўллар орқали юқиб, хомиланинг 1,5-2 ойларга келиб ривожланмай қолишига сабаб бўлади.

ОДДИЙ ГЕРПЕС ВИРУСИ билан хомиладорликнинг биринчи триместрида касалланиш хомиладаги микроцефалия, гидроцефалия, мия ичи кальцинози ва катаракта каби ривожланиш нуқсонларига, иккинчи ва учинчи триместрида касалланиш – хомила жигар ва талоғини катталашуви, анемия, сариқлик, гипотрофия ва пневмонияга олиб кеади. Туғруққа яқин қолганда герпес билан зарарланган хомиладорлар фарзандларининг туғруқдан сўнг ички аъзоларини етилмаганлиги, ақлий ва жисмоний ривожланишдан ортда қолганлиги кузатилади.

ToRCH  инфекция диагностикаси бемор қонида ушбу қўзғатувчиларга хос иммуноглобулинларни аниқлашга асосланган. Қон тахлили асосан оч қоринга пациент аёл хомиладор бўлгунга қадар ва хомиладор бўлгандан сўнг хар 2-3 ойда топшириб турилади. Бунинг учун пациент тахлил топширгунга қадар 3 хафтагача вақт мобайнида антибиотиклар ва вирусга қарши препаратлар қабул қилмаслиги лозим. Тахлил натижалари бўйича даволовчи врачлар хулоса чиқаради.

© www.gepamed.uz