Дистихиаз – бу кам учровчи ирсий феномен бўлиб, киприкларнинг икки қатор бўлиб жойлашуви билан характерланади. Дистихиаз феномени таниқли голливуд юлдузи Элизабет Тейлорда кузатилган. Элизабетнинг киприклари ёшлигида кучли ифодаланган бўлиб, худди уларга «тень» тортилганга ўхшаб кўринар эди ва шу сабабли унинг онаси бу хакида кўп танбех оларди.

Дистихиаз одатда инсон саломатлиги учун хеч қандай ноқулайликлар туғдирмайди, лекин иккинчи қатордаги киприкларнинг кўзнинг шиллиқ пардасига хаддан зиёд яқин жойлашуви уни таъсирланишига олиб келиши мумкин.

Дистихиазнинг асосий белгилари: кўзлар сохасида қичишиш, кўзнинг тез-тез ёшланиши, кўзларнинг қизариши, қовоқлар учиши, кўзлардан оқиш-шаффоф ажралмаларни келиши. Агар қўшимча киприклар юмшоқ бўлса касаллик белгилари сезилмайди. Акс холда эса кўзнинг таъсирланиши натижасида, унинг яллиғланиши, эрозия ва яраларнинг хосил бўлишига олиб келиши мумкин. Кам холларда қўшимча киприкларнинг коньюктива орқали тўр пардага ўсиб кириши кузатилади ва бу кучли оғриқлар билан кечиши мумкин.


© https://t.me/gepamed_ultra