Чакалоқларга резинка сўрғичларни бериш-бермаслик хақидаги тортишувлар кам эмас. Болаларни сўрғичга ўргатишга қарши навбатдаги фикрларни Висконсин-Мэдисон Университети олимлари ўз текширувлари натижалари асосида билдирди. Уларнинг хулосаларига қараганда резина сўрғичлар чақалоқларни, айниқса ўғил болаларни эмоционал ривожланиш даражасига салбий таъсир этар экан.

Текширув натижаларига кўра чақалоқлигида узоқ вақт сўрғич эмган болалар катта бўлганда сухбатдошлари мимикасига тақлид қилиши реакцияси кескин камайгани  аникланди. Студентлар мухитида олиб борилган тажрибалар шуни кўрсатдики, эмпатия тести – яъни хамсухбатини тўғри тушуниши, ўзини унинг ўрнига қўйиб кўриши, хамдард бўлиши, ачиниш ва рахми келиши каби хиссиётлар сўрғич эмган болаларда, чақалоқлик пайтида резина сўрғичдан фойдаланмаган болаларникига нисбатан қийин ифодаланган.

Олимлар фикрича инсон мимикасидан нусха олиш – ўзига хос ўқув инструменти бўлиб, дунёни билиш воситаси хисобланади. Ён-атрофдаги катта одамлар мимика ва қиёфаларини кузатиб бориш ва улардан нусха олиш орқали чақалоқлар гапиришни ўргангунга қадар, ўзаро муносабатларни ўрганади. Сўрғичлар эса мимикалардан нусха олишни қийинлаштириши натижасида болалар эмоцияларини нормал шаклланишига халақит беради.

Ёшлигида орттирилган «эмоционал қуруқлик» ёки мимик диапазонини камбағаллиги боланинг охирги хаётигача сақланиб қолиши кузатилади. олимлар фикрича шу каби қийинчиликлар билан катта ёшдаги одамлар хам рўбарў бўлиши мумкин экан. Масалан: ботокс инъекцияси, инсоннинг мимика диапазонини ва эмоционал гаммасини камайишига олиб келади. Инсон ўз юзида шахсий ва ўзгалар хиссиётини ифодалай олмайди ва натижада хамсухбати билан бир-бирини тушуниши камайиши кузатилади.
 
© https://t.me/gepamed_ultra