УЙҚУИНГИЗНИ ЯХШИЛАШНИНГ 10 ТА УСУЛИ

УЙҚУИНГИЗНИ ЯХШИЛАШНИНГ 10 ТА УСУЛИ

Бутунжахон уйқу жамияти катталар учун уйқу гигиенаcининг 10 та қоидасини ишлаб чиқди. Бу қоидаларга амал қилиш уйқу билан боғлиқ барча муаммоларни хал қилишига олиб келади.

1. Бир хил пайтда уйқуга ётиб, бир хил пайтда уйғонинг
Орамизда кўпчилик инсонлар оғир иш хафтасидан кейин дам олиш кунлари эрталаб соат 9-10 гача ухлаб дам олишни яхши кўради. Аммо олимларнинг исботлашича ухлаб уйғониш вақтларидаги бундай нотурғунлик организмнинг циркад ритмини бузади. Уйқуни яхшилашнинг энг яхши йўли - хар куни кечки пайт бир хил вақтда уйқуга кетиш ва дам олиш кунлари хам бир хил вақтда уйғониш.   

2. Чарчоқ хис қиланингизда уйқу учун танаффус қилинг
Ўта чарчоқ хис қилганингизда (кундуз куни бўлса хам) уйқуга тортганда бироз мизғиб олишга одатланинг. Бу организмга тетиклик бағишлайди. Аммо эътибор қаратинг тушликдан кейинги уйқу 45 дақиқадан ортиб кетмаслик керак.

3. Зарарли одатлардан воз кечинг
Мутахассисларнинг айтишича уйқугача бўлган даврга 4 соат қолганда алкогол ичиш хам, чекиш хам маън қилинади. Имкон қадар бу одатлардан умуман қутилганингиз маъқул. Яхши одатлар уйқуга ижобий таъсир этади. Текширишларнинг кўрсатишича уйқунинг сифати унинг давомийлигидан мухимроқ саналади.

4. Кофеин истеъмолини кескин камайтиринг
Бутунжахон уйқу жамияти курсатмаларига кўра уйқуга ётиш олдидан 6 соатгача кофеин истеъмол қилиш маън қилинади. Эсда тутинг кофеин нафақат кофеда балки чой, газланган ичимликлар ва шоколадда хам мавжуд.  

5. Уйқудан олдин тўйиб овқатланманг
Енгил тамадди қили, олишингиз мумкин. Аммо уйқугача 4 соат қолганда ошқозонни оғир, аччиқ ва ширин овқат билан ўта тўйдириб олманг.

6. Уйқудан олдин спорт билан шуғулланманг
Мутахассисларнинг фикрича спорт билан мунтазам шуғулланиш фойдадан холи эмас. Аммо уйқудан олдинги жисмоний фаоллик уйқунинг сифатига салбий таъсир кўсатиши тасдиқланган.

7. Ухлаш учун қулай ётоқ буюмларини тангланг
Агар уйқунинг ўртасида одатдаги ёпинчоғингиз иссиқлик қилгани учун уйғониб кетган бўлсангиз, демак уни алмаштириш кераклиги вақти келди. Бу Сизнинг соғлиғингиз учун фойдали.

8. Ётоқхонани шамоллатиб туринг
Ойнани очиқ холатида ухлаш уйқу сифатига яхши таъсир этар экан. Агар кондиционер остида ухлайдиган бўлсангиз уйқу учун энг мақбул хароратни тангланг. Бу харорат одатдагидан бир неча градус пастроқ бўлгани маъқул.

9. Уйқуга халақит бериши мумкин бўлган чироқ ва шовқинларни бартараф қилинг
Ётоқхонадаги электроника буюмлари тўйиб ухлашга халақи беради. Масалан, милтилловчи электрон соатлар, овоз чиқарадиган компьютер ёки ёниқ қолган телевизор.

10. Ётоқхонада бошқа ишлар билан машғул бўлманг
Каравотда ётган холатда ноутбук ёки смартфон ёрдамида янгиликларни ўқиш, почталарга жавоб қайтариш, ёки иш пайтига ажратилган юмушларни бажариш тавсия этилмайди. Бу ётоқ жойингизни ишхона билан тенглаштиришга сабаб бўлади. Ётоқхона уйқу учунлигини эсдан чиқарманг.

Айтиб ўтилганларга риоя қилиш уйқу сифатини яхшилашга ва уйқуни бўлинмаслигига олиб келиб, уйқуни қочиб кетиши ва уйқусизлик олдини олади. Бу эса соғлиқ билан боғлиқ жиддий муаммолар туғилмаслиги, шу жумладан рухий зўриқиш ва юрак касалликларини олдини олади.


www.gepamed.uz