ЭРТАЛАБДА КЕРИШИШ ФОЙДАЛИМИ?

ЭРТАЛАБДА КЕРИШИШ ФОЙДАЛИМИ?

Эрталабда уйғонгач, ўриндан турмасдан туриб, керишиш завқини хамма билса керак.

Тананинг кечаси билан бор йўғи бир нечта холатда ётганидан сўнг, уйғонганингизда скелет мускулларининг чигалини ёзиш талаб этилади. Керишиш - инсон танасининг ўзига хос уйғониши хисобланади. Мускулларнинг бир неча соат дам олгани, бўшашгани ва деярли харакатсиз холатда бўлганидан сўнг уларга эрталабки «зарядка» керак бўлади.   

Эрталабки керишиш инсон танаси мускулларини нормал ишга тайёрлайди, уларда одатдаги қон харакатини тиклайди, организмни уйқу режимидан тетиклик режимига ўтказади.  

Маълумки, харакатланишга бўлган хар қандай сигнал бош мия, яъни марказий асаб тизимидан бошланади. Бу боғлиқлик орқали керишиш вақтида бош миядаги қониқиш марказлари қўзғалади.

Таъкидланишича ётган жойдан бирданига ўриндан туриш мумкин эмас. Энг яхши вариант эрталабки пассив чигал ёзди машқларини бажариш – энг осони керишиш (чўзилиш) тавсия этилади. Инсон танаси уйғонишни қай тариқа тўғри бўлишини ўзи белгилайди. Шу сабабли эрталабданоқ инсон кўзи очилиши биланоқ эснаб керишади.       

Кун давомида кайфиятни яхши бўлиши «тўғри уйғониш» натижаси хисобланади. Физиологларнинг айтишича уйғонгандан кейинги биринчи 30 дақиқа, кун давомидаги кайфиятимизни белгилаб беради.

Кеч қолиш натижасида ётган жойдан кескин сакраб туриш бош оғриши, тез толиқиш кун давомидаги ёмон кайфиятга сабаб бўлади. Айтиб ўтганимиздек бу холатни олдини олишнинг осон йўли эрталабки енгил гимнастика хисобланади.

Агар Сиз спорт ва енгил жисмоний тарбия ихлосманди бўлмасангиз хам организм буни Сиз учун ўзи бажаради.


www.gepamed.uz