ҚИЗИҚАРЛИ МАЪЛУМОТЛАР – 29

ҚИЗИҚАРЛИ МАЪЛУМОТЛАР – 29

ҚИЗИҚАРЛИ МАЪЛУМОТЛАР – 29


АРТЕРИАЛ ҚОН БОСИМИГА ТИББИЙ ПЕРСОНАЛЛАР ҚАНДАЙ ТАЪСИР ЎТКАЗАДИ?

Шифохона ва поликлиникаларга мурожаат қилган кўп сонли пациентларнинг тиббий персоналлар томонидан қон босими ўлчанганида ортганини аниқлаш мумкин. Организмнинг бу реакцияси «оқ халат синдроми» деб аталиб, беморларнинг шифохоналарга ташрифи натижасидаги стресс холатига тушиши билан тушунтирилади ва айни беморларни қон босими уй шароитида ва оддий инсонлар томонидан ўлчанганида қон босими нормани кўрсатади. Шуни хам таъкидлаш жоизки бу холатга қарама-қарши «ниқобли гипертензия» феномени хам мавжуд бўлиб, айрим гипертоник беморларнинг қон босими айнан шифохона шароитларида ўлчанганида нормани кўрсатади.


ДОРИ ВОСИТАЛАРИНИНГ ЯРОҚЛИЛИК МУДДАТИ ТУГАГАНДАН СЎНГ ҚАНЧАГАЧА ЎЗ ДОРИВОР ТАЪСИРИНИ ЙЎҚОТМАЙДИ?


Америка озиқ махсулотлари ва дори воситаларининг сифатини назорат қилувчи бошқармаси текширувлари натижасига кўра 85% препаратлар ўзларининг даволовчи таъсирини узоқ вақтгача сақлаб қолиши мумкин. Дори воситаларини яроқлилик муддатини тугаши, бу мухлатдан сўнг уларнинг организм учун токсик таъсир этади дегани эмас. Текширувчилар фикрича «Дори компаниялари яроқлилик муддатини белгилашда илмий нуқтаи назардан эмас, маркетинг компаниясини фикрларига таянади. Яроқлилик муддатини 10 йил ва ундан кўпга қўйиш ишлаб чиқарувчилар учун фойда келтирмайди, уларга кўпроқ «оборот» керак.  Кенг қўлланиладиган юзлаб дориларни текшириш натижалари қуйидагиларни кўрсатди:
1. Дори воситаларини охирги муддати, уларнинг яроқлилигини эмас, эффективлиги даражасини англатади.
2. Дори воситаларини сақлаш тартиби: температураси, намлиги, ёритилиш даражаси хам мухим ахамиятга эга.
3. 84% гача дори воситалари идиши очилмаган холатда сақланса муддати тугагандан сўнг 5-25 йилгача ишлатилиши мумкин.
4. Қолган 16% дориларнинг эса таркибидаги фаол компонентининг 50-70% гача камайиши, аммо эффективлиги даражасини сақланиши кузатилади.
5. Иложи борича хаётий мухим препаратлар жумладан, нитроглицерин, инсулин, суюқ антибиотиклар ва болалар учун қўлланиладиган дориларни муддати ўтгач ишлатмаслик тавсия этилади.



ҚАЙСИ НАРКОТИК ИНСОННИНГ ЎЗИГА ВА АТРОФИДАГИЛАР УЧУН ЭНГ ЗАРАРЛИ ХИСОБЛАНАДИ?


Энг авторитетли тиббий журнал The Lancet алкоголни энг хавфли наркотиклар ичида биринчи ўринга қўйди. Зарарли таъсирлари йиғиндиси критерийлари бўйича алкогол, героин, крэк ва метамфетаминдан кейинга, аммо кокаин, сигарет, марихуана, экстази, ЛСД ва носвойдан олдинга қўйилган. Атрофдагиларга зарарли суммар таъсирини хисобга олганда алкогол хамма наркотикларни доғда қолдирди. Бошқача айтганда чекишнинг инсонни ўзига алкоголнинг – жамиятга салбий таъсири юқори хисобланади.    



«ДОКТОРСКАЯ КОЛБАСА» ГА ШИФОКОРЛАРНИ ҚАНДАЙ АЛОҚАСИ БОР?


1936 йили колбасанинг янги «докторская» сорти ишлаб чиқарила бошланди. Гражданлар уруши ва ўша давр хонликлари зулми натижасида ўз саломатлигини йўқотган инсонларнинг соғлигини тиклашга қаратилган бу махсулот, ёғлилик даражаси паст бўлгани сабабли Соғлиқни сақлаш халқ комиссариати томонидан диетик махсулот саналган ва докторлар тавсиясига биноан деган мақсадда «докторский» номини олган. Айнан шундай номланиши унинг оммабоплашишига ва тез орада қалбакилаштирилишига хам сабаб бўлган. Колбасанинг асл классик рецепти 25% олий навли гўшт, 25% ёғсиз, чўчқа гушти, 45% ярим ёғли чўчқа гўшти, 3% товуқ тухуми, 2% сут уни ва зираворлар тутган.


ЗАМОНАВИЙ SPA – САЛОНЛАР ҚАНДАЙ ЁЗИЛИШИ КЕРАК?


SPA-салонларини хамма жойларда замонавий кўринишда SPA – аббревиатураси билан ёзиш одат бўлган. Бу қисқартма кенгайтирилганда «sanitas per aquam» кўринишини олиб лотинча «сув ёрдамида соғлиққа эришиш»демакдир.
Аслида эса оддий қилиб Спа салонлар деб ёзиш тўғри бўлади. Бу ном Бельгиядаги минерал сувлар билан даволовчи «Спа» номли курорт номи хисобланади. Бутун Европада минерал сув билан даволаш  ва бальнеотерапия билан танилгани учун, кейинча барча сувга оид физиотерапевтик муолажалар шу курорт номини олган.   



www.gepamed.uz
  



ҚИЗИҚАРЛИ МАЪЛУМОТЛАР – 29


АРТЕРИАЛ ҚОН БОСИМИГА ТИББИЙ ПЕРСОНАЛЛАР ҚАНДАЙ ТАЪСИР ЎТКАЗАДИ?