Цистит — инфекцион касаллик хисобланиб, совуқ жойда узоқ вақт ўтириш сийдик пуфагини яллиғланишига олиб келади деган тахмин хақиқатдан йироқ.
Санкт Петербургнинг эндоскопик урология ва янги технологиялар маркази врач урологининг фикрича совуқ жойда ўтириш орқали цистит ёки буйраклар жойчасини шамоллашини «илаштириб олиш» нинг имкони йўқ.
Аксарият холларда бу икки касаллик бактериялар томонидан, кўпинча ичак таёқчаси томонидан чақирилиб, унинг совуқ тош устида ўтириш билан алоқаси йўқ.
Хозирги кунда совуқ юзада ўтиришнинг инсон иммунитетини тушириш ва сийдикда бактериялар фаоллигини ортиши билан боғлиқ илмий тасдиқланган текширишлар йўқ. Аммо кўпчиликка маълум бундай совуқ қотишлардан кейин сийдик ажратишнинг тезлашиши кузатилади.  

Бу цистит (чахмазак) эмас, балки ўзига хос рефлекс – совуқ таъсиридаги диурез хисобланади.

Бу ходисанинг келиб чиқиши қуйидагича тушунтирилади: совуқ қотганда организм иссиқлик йўқотишни камайтириш максадида теридаги қон томирларни кескин торайтиради. Қон бунда фақат хаёт учун мухим аъзолар айниқса буйракка йўналтиради. Натижада бирламчи сийдикни фильтрацияси кучаяди. Ундан ташқари тўлиб турган сийдик пуфаги хам ўз вақтида иссиқлик йўқотишнинг бир сабаби бўлгани учун, организм қувуқни бўшалишини талаб этади. Бу сийдикни кўп ва тез-тез ажралишига олиб  келиб – цистит дегани эмас.
Агар инсон зах ва нам жойда ўтириб, кучли совуқ қотса, иссиқ хонага киргач албатта сув балансини ўрнига қўйиш учун 2-3 пиёла иссиқ суюқлик ичиши лозим бўлади. Бу юқоридаги шикоятларни олдини олади.

© Www.gepamed.uz