АЛЛЕРГИЯГА ҚАРШИ ЭНГ ЭФФЕКТИВ 7 ПРЕПАРАТ.

АЛЛЕРГИЯГА ҚАРШИ ЭНГ ЭФФЕКТИВ 7 ПРЕПАРАТ.

Хозирда аллергик касалликлар 21 асрнинг долзарб муаммоси хисобланади. Энг мухими бу касалликка чақалоқлар ва ёш болаларнинг мойиллиги хисобланади.
Аллергияга қарши курашишнинг энг яхши йўли аллергенни йўқотиш ва тегишли антигистамин препаратларни қабул қилиш орқали унинг таъсирини тормозлашдан иборат. Қуйида энг эффектив хисобланган антигистамин препаратлари рўйхати келтирилади.

1. Цетрин – учинчи авлод антигистамин препарати хисобланиб, таъсир этувчи моддаси цетиризин гидрохлориддан иборат. Тез таъсир этади, эффективлиги юқори, уйқучанлик чақирмайди, жигарга негатив таъсир этмайди.  Цетрин мавсумий аллергиялар, поллиноз ва атопик дерматитда қўлланади. Қарши кўрсатмалари йўқ, катталар ва болаларда қўллаш мумкин. Тўғри нархи бўйича ундан арзонроқ препаратлар хам мавжуд. Аммо бу ерда бир донишманднинг «мен арзон буюмларни сотиб оладиган даражада бой эмасман» деган сўзларини келтириш мумкин.


2. Кларитин – таъсир этувчи моддаси лоратадин бўлиб, диққат-эътиборни сусайтирмайди, шу сабабли шифокорлар ва хайдовчилар орасида кенг қўлланади. Тери аллергиясидан тортиб, ларингоспазм билан якунланадиган аллергик реакцияларда қўлланади. Тез таъсир этади ва бир ёшдан кейин болаларда қўллаш мумкин. Буйрак фаолияти бузилган беморлар ва эмизикли аёлларда қўллаш мумкин эмас.   


3. Фенистил – иккинчи авлод антиаллергик препарати хисоблансада кларитидиндан бироз паст эффект беради. Фенистил озиқ-овқат махсулотлари ва дори-дармонларга аллергия кузатилганда, шунингдек бахордаги гуллар чангидаги аллеергияларда қўлланилади. Фенистил аллерген ва гистаминларнинг юқори дозаларида хам эффектив хисобланади. Унинг камчиликлари седатив ва тинчлантирувчи эффекти мавжудлиги, алкогол таъсирини кучайтириши ва бошқа препаратлар билан қўлланганда уларнинг таъсирини тормозлаши хисобланади. Фенистилни хомиладорларга, эмизикли аёлларга ва 2 ёшгача болаларга тавсия этилмайди.


4. Гисталонг – у хам иккинчи авлод препарати хисобланиб, таъсир вақти 20 суткагача етиши мумкин. Шу сабабли уни ойда бир марта қўллаш буюрилади. Юрак ритмини бузилиши кузатилгани учун уни юрак хасталиклари мавжуд беморларга тавсия этилмайди. Хомиладорларга, болаларга ва аллергиянинг ўткир даврида берищ мумкин эмас.


5. Тавегил – кенг тарқалган биринчи авлод антиаллергик препарати бўлиб, хам таблетка, хам инъекция холида чиқарилади. Кучли антиаллергик хусусияти бўлиб, анафилактик шок ва псевдоаллергик реакцияларда қўшимча восита сифатида ишлатилади. Тез таъсир этади ва салбий таъсирлари кам. Седатив эффекти борлиги сабабли хайдовчиларга ва врачларга буюрилмайди. Бир ёшгача болалар, хомиладор ва эмизувчи аёлларга қарши кўрсатма хисобланади.

6. Супрастин – барча аллергик реакцияларда тавсия этиладиган тез ёрдам учун қўлланадиган препарат бўлиб, тез таъсир этади. Аммо эффектини чўзиш учун бошқа антигистамин препаратлари билан қўллаш керак. Нархи арзон. Лактация давридаги ва хомиладор аёлларга, шунингдек бир ойликкача болалар ва бронхиал астма хуружларида мумкин эмас. Қон зардобида тўпланмагани учун дозасини тўпланиб қолиши (синергизм) кузатилмайди.

 

7. Димедрол 
- биринчи авлод антигистаминларини асосчиси хисобланади. Арзон кучли антигистамин восита. Таблетка, инъекция ва малхам кўринишида чиқарилади. Салбий эффектлари: уйқучанлик чақиради, онгни хиралашуви, камқонлик ва аритмиялар кузатилиши мумкин.


    

© Www.gepamed.uz