Афсона №1. Хроник вирусли гепатит В худди ОИТС (СПИД) га ўхшаб оғир кечади, тузатишнинг иложиси йўқ, ўлим хақ.
Хақиқат: Хозирда гепатит В га қарши даво препаратлари мавжуд ва бир курслик терапиядан сўнг 45% беморларнинг соғайиши, қолганларини эса «вирус юкламаси» камайиши хисобига хаёт сифатини яхшиланиши, жигар циррози ва ракини ривожланиши хавфини камайиши кузатилмоқда. Агар ОИТС билан солиштириладиган бўлса, гепатит В хавфлироқ ва юқумлироқ - жинсий йўл орқали гепатит В вируси ВИЧ га нисбатан 4 баробар кўпроқ юқади.
Афсона №2. Хроник вирусли гепатит В фақат жуда қиммат импорт дорилар билан даволанади, бир курслик даво бир неча ўн минг долларга боради.
Хақиқат: Тўғри вирусга қарши дориларни махаллий дори компаниялари хали ишлаб чиқармайди. Хозирда бу мақсадда Россия, Индия ва бир қатор Европа мамлакатларидан келтирилаётган препаратлар қўлланилади. Мутахассисларнинг фикрича Россия фарм компаниялари томонидан ишлаб чиқарилаётган вирусга қарши препаратларнинг ножўя таъсирлари кучлироқ ифодаланар экан.
Афсона №3. Гепатит вирусига топширилган тахлиллар мусбат бўлса, албатта оғир вирусга қарши даво олиниши керак.
Хақиқат: Вирусга қарши даво хар доим хам буюрилмайди. Кимларгадир жигар ва организмнинг умумий холатини яхшилаш учун тавсия этиладиган дорилар етарли. Айрим вирус ташувчилар эса врач (гепатолог) кўригидан даврий равишда ўтиб туриши, жигар холатини текширтириб (УТТ) туриши кифоя.
Афсона №4. Гепатит В вирусига қарши эмлаш жигари (антибиотик ёки спиртили ичимлик таъсирида) «кучсизланган» инсонларга мумкин эмас. Организм вакцинани кўтара олмайди ва касалланиши мумкин.
Хақиқат: Гепатит В га қарши эмлаш касалликни келтириб чиқара олмайди. Аксинча вакцинани тезкор профилактика сифатида қўллаш мумкин. Масалан гепатит В билан зарарланган одам билан контактда бўлган бўлсангиз ва вирус юқтирганингизга ишонч хосил қилсангиз, бир хафта давомида вакцина қилдириб олсангиз касал бўлмайсиз. Негаки вакцина қондаги гепатит В вирусининг инкубацион даври тугагунга кадар иммунитетни кучайтириб, қарши курашишга тайёр туради.
© www.gepamed.uz
