ФАРЗАНДИНГИЗ ХАҚИДА БИЛИШИНГИЗ ШАРТ БЎЛГАН 7 ХИЛ МАЪЛУМОТ.

ФАРЗАНДИНГИЗ ХАҚИДА БИЛИШИНГИЗ ШАРТ БЎЛГАН 7 ХИЛ МАЪЛУМОТ.

Хар бир она ўз фарзанди хақида айрим мухим нарсаларни билиши лозим. Булар боланнинг қизиқишлари, хулқи, атрофдагилар билан мулоқотда бўлишда қийинчилик туғдириши мумкин холатларни англашида ёрдам беради. Қуйида шулар хакида гапирилади.

Боланинг қизиқишлари кўлами.
Афсуски кўпчилик оналар фарзандингиз нимага қизиқади деган саволга ёки елкасини қисишади ёки компьютер деб жавоб беради. Эътиборли оналар боласининг нимага қизиқишларини, нималарни енгиллик билан, нималарга куч сарфлаш орқали эришаётганини айта олади. Боланинг нималарга мойиллиги ва қай даражада бунга қодирлигини билиш, бу хусусиятларини ривожлантириш имконини беради.   

Боланинг ким билан мулоқот қилаётганини.
Оналар фарзандининг мактабда, дарсдан кейин ва кўчада кимлар билан мулоқотда бўлаётганини билиши керак. Ким унинг яқин ўртоғи, кимлар билан конфликт холатлари вужудга келаётгани билиш ва болага қийин вақтларда ёрдам бериш керак. Яқин ўртоқларини қандай оилада ўсаётгани, уларнинг ота-оналарини билиш болани турли хил кўнгилсизликлардан сақлайди.

Боланинг қўрқувлари.
Эътиборли оналар доимо фарзандини айни пайтда нималар вахимага солаётганини билиши, боласига кўрқувга хожат йўқлигини таъкидлаши лозим. Акс холатда бу холат «фобия»га айланиб кетади.



Боланинг севган буюмлари ва ўйинчоқлари.
Хамма боланигнг хам севимли буюмлари ва ўйинчоқлари бўлади. Ёшлик пайтида маълум бир буюмга ортиқча боғланиб
қолиши боланинг қизиқишлари доирасини белгилайди. Бундай пайтларда ота-оналар фарзандининг танловига хурмат билан қараши ва тушуниши талаб этилади. Хеч қачон фарзандига бу буюмни (масалан, ўйинчоғини) бошқа ўртоқлари билан бўлишишни мажбурламаслик ёки уларни жахл билан олиб қўймаслик тавсия этилади.   

Ўзини намоён қилиш усулини.
Хар бир бола маълум бир йўналиш бўйича иқтидорга эга бўлади. Бу мусиқа, спорт ёки хатто компьютер ўйинлари бўлиши мумкин. Ота-оналар фарзандининг қобилиятини қайси сохада эканлигини билиши ва бунга тўғри йўналтириши талаб этилади.

Конфликтлари.
Болани хеч вақт ўзини муаммо ва конфликтлари билан ёлғиз қолдириб бўлмайди. Агар оилада ўзаро ишончли мухит хукм сурса бола албатта ўз муаммоларини айтади. Ота-оналар эса конфликт холатларидан чиқишнинг энг маъқул йўлини танлайди ва боланинг хулқини тўғри йўналтиради.

Болалар сирлари.
Хар бир боланинг ўз сирлари бўлади. Ахил оилаларда бола кичик сирларини онаси билан бахам кўради (ёш боланинг ичида сир ётмайди). Шундай давр хам бўладики (айниқса ўсмирлик даврида) бола сирларини ота-онаси билан бўлишмайди. Буни фақат энг яқин ўртоғи билиши мумкин.

© www.gepamed.uz