Одамзод ўз умрининг учдан бир қисмидан ортиғини уйқуда ўтказади. Уйқу пайтида танани тикланиши, бош мияда керакли ахборотларни сақланиб, кераксизларини ўчирилиши, организмни эртанги кунга зарядланиши кузатилади. Тўйиб ухлай олмаслик инсонни ланж холатда, дам олмасдан уйғонишига сабаб бўлади. Доимий уйқусизлик қандли диабет, семириш ва рухий носозликларга олиб келади. Қуйида нормал уйқуга тўсқинлик қиладиган омиллар санаб ўтилади.
 
1. Совуқ оёқларингиз билан ухламанг.
Муздай оёқлар уйқуни бузиши мумкин, шунинг учун оёғингизни грелкада иситиб ёки енгил пайпоқ кийиб ухланг.

2. Уйқуга тайёргарлик кўринг.
Қатъий тартиб ухлаш одатини шакллантиради. Яъни уйқудан олдин тиш ювиш, чўмилиш ва бошқалар организмни уйқуга тайёрлайди.

3. Уйқуга 4 соат қолганда кофе ичманг.
Кофеин уйқуга салбий таъсир этади ва организмни узоқроқ вақт тетик ва қўзғалган холатда сақлаб туради.

4. Маълум бир холатда ухлашга одатланинг.
Мутахассислар чап томонда ёнбошлаб ухлашни тавсия этади. Шу холатда тана яхшироқ дам олар экан.

5. Электрон қурилмалар (гаджетлар) ни каравотингиздан узоқроқ тутинг.
Кунда бир пайтда ётишга одатланиш бош мия ва тананинг биологик соатларини шу вақтга созлайди.  Уйқудан олдин смартфон ёки планшетдан фойдаланиш уйқуга негатив таъсир этади. Улардан таралаётган ёруғ нур мияни ухлашдан чалғитади.

6. Уйқудан олдин китоб ўқиш хақида.
Айрим мутахассисларнинг фикрича уйқудан олдин давомли, саргузашт китобларни ўқиш бош мияни қўзғалтиради ва китобдаги навбатдаги воқеъликларни билишга қизиқиш уйқуни қочиради деб тахмин қилинади.
 
7. Хонани етарли даражада қоронғилатинг.
Тунги чироқларнинг ўта ёруғлиги ёки электрон будильниклардан таралаётган ёрқин нур диққатни бўлиб, уйқуни бузади ва эрталаб ўзингизни дам олмасдан уйғонган хис қиласиз.

8. Уйқудан олдин сув ичманг.
Уйқуга ётишдан 1-2 соат олдин кўп миқдорда суюқлик ичиш тунда 2-3 махал хожатга чиқишга туришга мажбур қилади. Бу хам эрталаб асабий уйғонишингизга ва буйракларни кечки пайт интенсив ишлашига (дам олмасдан) сабаб бўлади.

9. Кундузи ухлашга одатланманг.
Бу маслахат кечки пайт уйкусини тополмаганлар учун бўлиб, уйқу тартибини бузилмаслиги учун тавсия этилади. Аслида эса кундузи 15-20 дақиқага мудраб олиш мехнат фаолиятига яхши таъсир этади.

10. Ётган тўшагингизга эътибор беринг.
Қулай матрас ва тўшак чуқур уйқуга кетишда мухим ўрин тутади ва эрталаб Сиз энергияга тўла тетик холда уйғонасиз.

11. Уйқуга 2 соат қолганда овқатланманг
Буни диетологлар хам кўп бора таъкидлайди: «ошқозон тўла пайтида организмда хазм жараёни жадал кетиб, уйқудан чалғитади».

12. Уйқудан олдин спорт билан шуғулланманг.
Жисмоний машқлар организмда адреналинни кўп миқдорда ажралишига сабаб бўлиб, ухлашга халақит беради.
 

© https://t.me/gepamed_ultra