Хозирда ОИТС (СПИД) эпидемияси 150 дан ортиқ мамлакатни қамраб олгани маълум. Бу иммун тизимни оғир касаллиги бўлиб, Т-лимфоцитларни зарарланиши билан кечади. Унинг белгилари йиллар давомида аниқланмаслиги мумкин. Иммун тизим одатда организмни ёт «чақирилмаган ёвуз ниятли мехмон»лар (бактериялар, замбуруғлар, вируслар) дан химоя қилади. ОИТС билан касалланган беморлар айнан шу қўзғатувчилар чақирган инфекцион касалликлар асоратларидан халок булади.

Маълум бўлишича ОИТС вирусининг энг кўп концентрацияси организмда қонда, аёллар жинсий аъзолари секретларида, орқа мия суюқлигида, эркаклар спермасида, қоғоноқ сувларида ва она сутида бўлади. Сўлак, балғам, бурундан келадиган оқмалар, сийдик ва тер каби суюқликар орқали ОИТС касаллиги қўзғатувчиси юқмайди!

Укол ёки қўлни кесиб олиш орқали ОИТС билан касалланган одамнинг қони ёки бошқа ажралмалари билан алоқа бўлганда нима қилиш керак:
Биринчидан: вахима қилманг. Жарохатдан қон келаётган бўлса тўхтатманг. Қон оқмаётган бўлса босиш орқали қон чиқишини таъминланг. Шприцда ОИТС касаллигидан ташқари В ва С гепатити хам бўлиши мумкин. Агар Сиз бу хасталикларга қарши эмланмаган бўлмангиз, касалланиш эхтимоли юқори хисобланади.
Иккинчидан: зарарланган жойга 70 фоизли спирт эритмаси билан ишлов беринг. Агар бўлмаса кесиб олган бўлсангиз – 5 фоизли йод настойкаси, укол бўлган бўлса – 3 фоизли водород перекиси билан ишлов беринг.
Учинчидан: «алоқа»  бўлган сохани совун билан оқиб турган сув остида яхшилаб ювинг.
Тўртинчидан: яна қайта 70 фоизли спиртни суртиб, жарохатга бойлам қўйинг.
Ва энг асосийси албатта инфекционист ёки истаган бирор врачга мурожаат қилишингиз мумкин. Кейинги босқичдаги муолажаларни улар белгилайди.  

© https://t.me/gepamed_ultra