Ухлаётган боланинг тишини ғижирлатиши кен тарқалган холат бўлиб, бруксизм деб аталади. Бу айрим ота-оналарни хавотирга солса, айримларини чўчитади хам. Бруксизмнинг сабаби нима?  
Даврий равишда тишларни уйқу пайтида ғижирлатиш турли ёшдаги гурухларда: мактабгача, мактаб ёшидаги ва ўсмир болаларда хам учраши мумкин. Врачлар фикрича бунинг асосида уйқуни бузилиши, аниқроқ қилиб айтганда уйқуни чуқурлигини ўзгариши ётади. Бу ўзгаришлар турли хил рухий омиллар, яъни стресс таъсирида ривожланади.

Психологик омиллар
Бруксизмнинг биринчи белгилари асабий зўриқиш натижасида кузатилади. бу мажбурий ота-онасидан ажралиш, ўртоқлари билан жиддий уришиш ёки яшаш жойини ўзгариши бўлиши мумкин.
 
Мутахассислар кузатишича бруксизм белгилари бола боғча ёки мактабга қатнай бошлаши биланоқ пайдо бўлиб, улар аввал онда-сонда ва қисқа вақтли бўлади. Бундай пайтларда ота-оналар врач кўмагисиз болага ётишдан олдин иссиқ бўшаштирувчи ванналар, В гурухи витаминлари, тинчлантирувчи гиёх дамламалари ва кечки тоза хавода айланиш орқали бу одатидан қутулиш мумкин.

Тишларни уйқу пайтида ғижирлатиш боланинг хаддан зиёд чарчаган пайтида хам кузатилиши мумкин. Бундай пайтларда ота-оналар юқорида санаб ўтилган чоралардан ташқари боланинг кундалик режимини тартибга келтириши лозим. Бола қўшимча секциялар ва машғулотларга бораётган бўлса – тўхтатиб туриш, телевизор ва компьютер олдида кўп ўтираётган бўлса – ўйин вақтини  чегаралаш лозим.  

Агар боланинг шикоятлари 2-3 хафтада хам ўтиб кетмаса невропатологга учраш тавсия этилади. Улар тинчлантирувчи препаратлар ёзиб, неврологик ташхисни инкор этиш учун кўшимча текшириш усулларига буюришади.

Ортодонтик омиллар
Кечки тиш ғичирлатишни шунингдек, физиологик омиллар: жағларни индивидуал тузилиши хусусиятлари, ортодонтик муамммолар ва нотўғри қўйилган пломбалар хам келтириб чиқариши мумкин. Боланинг прикусини нотўғрилиги хам жағ мускулларини етари даражада бўшашмаслиги натижасида тиш ғичирлатишга сабаб бўлади. Бунда шунингдек, милклар яллиғланиши, тиш эмалини емирилиши ва бош оғриши белгилари хам қўшилади. Шунингдек тишини тинмай ғичирлатадиган болаларни стоматолог ва ортодонтологга хам кўрсатиш тавсия этилади. Улар прикусни даволашдан ташқари кечки пайтга ётиш олдидан махсус тишлар учун резина шиналарни тақиб ётишни тавсия килишлари мумкин.
Тиш ғичирлатишни даволаш учун ёноқ сохасидаги махсус нуқталарни қўл бармоқлари учи билан енгил массаж қилиш мумкин. Айрим врачлар болаларга ётиш олдидан сабзи ёки қаттиқ олмани чайнаб ейишни тавсия этадилар. Шунда жағларни чарчаб, уйқу пайтида дам олишини кузатилар экан.  

Бруксизм ривожланишига юқорида айтиб ўтилганлардан ташқари яна катталашган аденоидлар хам сабаб бўлиши аниқланган. Илгари мутахассислар таъкидлаган  ичакларнинг глистли инвазиясига хозирда бруксизм сабабчиси сифатида қаралмайди.

© https://t.me/gepamed_ultra